س2/ هل هناك اشخاص قالو بـ ان لديك موهبه كوميديه؟
لا والله للأسف دايم يقولون لي والله من السماجه


س3/بنضرك من الدوله الافضل كوميديا.؟
من ناحية التمثيل مصر والكويت ومن ناحية الفصله الشعب السعودي بلا منازع

س4/ افضل فنـانـ/ـه كوميديا لــديـك.؟.
ناصر القصبي -طارق العلي -عادل امام
س5/ اي نوع تحبـ/ي من المزاح .؟
اي شي في الحياة لابد له من خطوط حمر نقف عندها
س6/ هل تتقبلـ/ي اي ان كان من المزاح حتى وان ياثر فيك.؟
المزاح من المعروف عنه يكون بين حبايب واصدقاء والمقصد الضحك ولا يؤثر,لكن بعضهم يستغل كلمة مزاح ويطلع اللي خاطره عليك ويبدا يجرح لكن اللي مثل هذا له تصرف خاص
س7/ مزحه تضايقتـ/ي منها .؟
ماتضايقت لكن لو مسكته ذبحته ,كنا قاعدين نمارس هواية التزلج على الرمال بالطريقة السعوديه مثل هذا

المهم ركبت انا وواحد العيال ,السواق كان ناوينا بنية شينة لما تحركت السياره كان يالله يمشي واصايح له انا وخويي نقول :اسرع اسرع والسواق يقول في خاطره اصبرو مابعد شفتو شي وهو يكفخ بنا ويطير بالسياره ,انا اللي اذكره اني في الهواء متمسك واصايح له وقف يا .... وابو الشباب يمشي فوق 120 ,انا ماكان بين عيوني الا بلكتين او طابوقتين نشوي عليها قاعد احتري بس متى اصقع فيها خخخخ انا يوم شفت ابو الشباب مطول وانا افك الحبل وقلت فيها اللي فيها وانا اللي اتقلب يجي 200 قلبه هههه وخوي مازال متمسك وفي الهوا بس طاح في الاخير ,يوم وقفت ولا جسمي متزلط ورايح فيها ووالله لو اني اقوى اذبحه لا اذبحه ذيك الليله بس منيب في حاله ,طبعا السالفه ذي لها 5 سنوات واثارها مازالت برجلي (تكرمون)

س8/ هل انتـ/ي ممن يمزحون على اصحابهم بمزح قوي ؟
لالا ,الا اذا كان مازح معي هو مزح ثقيل
س9/ مقلب سويتـ /يـ/ ـه بـ شخص وماهو المقلب.؟
مانيب راعي مقالب
س10/ اقواء مقلب سواهـ فيك شخص .؟
مااذكر لان الشباب يعرفوني مضبوط
س11متى اخر مره جبت العيد وماهو .؟
جبت العيد في 1/10/1432 , قرصان عليها لحمة تيس <ادري سامجه
س12/ اذا جاء عندك شخص مسوي نفسه فكاهي وقال نكته بايخه .!رده فعلك؟
ههه بالعكس اقعد اضحك على سماجتها
س13/ اسدحـ/ي لنا نكته عجبتك كثييير ؟؟
ثلاث شباب مسكهم عسكري وقعدو يترجونه يفكهم وحس العسكري ان فيهم واحد سكران
قال العسكري ابسأل كل واحد فيكم سؤوال واللي بيجاوب ابخليه يروح
سأل الاول:من فازل بمباراة برشلونه وريال مديرد؟
قال :برشلونه
قاله :روح
سأل الثاني :من انتصر في معركة بدر بين المسلمين والكفار ؟
قال :المسلمين
قال :روح
سأل الثالث: وش استنتجت من الاسئله؟
قال :برشلونه والمسلمين على النهائي
قال: اركب اركب يابن الـ...

س14/ من الاعضاء اكثر شخصياثنين مصرقعه ونكوته ؟
والله كثير نخاف نعدهم وننسا بعضهم
مجنون,عشوقه,حنين ,النظره ,ماعاش,الغرور ,غصب عني اكابر ,لقيت روحي وكثير والله
س15/ اسدحـ/ي لنا شطحه او نكته او سالفه اعجبك من هذا الشخص .؟
هههههه السوالف عد واغلط